Учитель КГУ "Новомирской ОСШ" принимает участие в Республиканском конкурсе «Leader TopIQ – 2026»
«Новомир жалпы орта білім беретін мектебі» КММ информатика пәнінің мұғалімі Кожагельдинова Эльвира Жамболатқызы педагогтердің заманауи цифрлық білім беру технологияларын енгізудегі тәжірибесін қолдауға бағытталған «Leader TopIQ – 2026» республикалық байқауына қатысуда.
Байқауға «TopIQ – мұғалім мен оқушының цифрлық көмекшісі: TopIQ платформасын информатика сабақтарында пайдалану тәжірибесі» тақырыбындағы авторлық мақаласы ұсынылды. Мақала аудандық «Туған өлке» газетінде жарияланып, онда оқу үдерісінде TopIQ білім беру платформасын қолданудың практикалық тәжірибесі баяндалған.
Эльвира Жамболатқызы өзінің педагогикалық қызметінде информатика сабақтарын ұйымдастыруда TopIQ платформасының мүмкіндіктерін белсенді пайдаланады. Электрондық оқулықтар, интерактивті тапсырмалар және цифрлық білім беру ресурстары оқытуды қолжетімді, көрнекі әрі қызықты етеді. Платформаны пайдалану арқылы оқушылардың цифрлық сауаттылығы артып, ақпаратпен өздігінен жұмыс істеу дағдылары қалыптасады, заманауи технологияларды сенімді меңгеріп, пәнге деген қызығушылығы артады.
Байқау жұмысының негізгі бағыты – цифрлық құралдарды тәжірибеде тиімді қолдану, әрбір оқушының жеке білім алу траекториясын ұйымдастыру және оқу үдерісіне белсенді қатысуына жағдай жасау. Платформа оқу материалдарын сабақ барысында да, үй жағдайында да тиімді пайдалануға мүмкіндік беріп, білім беру үдерісінің үздіксіздігін және сапалы оқу ресурстарының қолжетімділігін қамтамасыз етеді.
«Leader TopIQ – 2026» республикалық байқауына қатысу – педагогикалық тәжірибені республикалық деңгейде таныстыруға, әріптестермен үздік тәжірибе алмасуға, цифрлық оқытудың заманауи тәсілдерімен танысуға және Қазақстандағы цифрлық білім беруді дамытуға өз үлесін қосуға мүмкіндік береді.
«Новомир жалпы орта білім беретін мектебі» КММ ұжымы Кожагельдинова Эльвира Жамболатқызына байқауда сәттілік, ұсынылған жұмысына жоғары баға, шығармашылық шабыт, жаңа кәсіби жетістіктер және жеңіс тілейді!
