«Новомир жалпы орта білім беретін мектебі» КММ-нің оқушысы «Leader TopIQ – 2026» республикалық байқауына қатысуда.
«Новомир жалпы орта білім беретін мектебі» КММ-нің 1-сынып оқушысы Ахметова Айзере педагогтер мен білім алушылар арасында цифрлық мәдениетті дамытуға және заманауи білім беру технологияларын насихаттауға бағытталған «Leader TopIQ – 2026» республикалық байқауына қатысуда.
Байқау аясында Айзере аудандық «Туған өлке» газетінде жарияланған «TopIQ – менің оқудағы көмекшім» атты авторлық мақаласын ұсынды. Сонымен қатар, ол өзінің TopIQ платформасын пайдалану тәжірибесі туралы бейнесұхбат беріп, ол Железин ауданының білім бөлімі Instagram парақшасында жарияланды. Өз мақаласында жас қатысушы TopIQ білім беру платформасын пайдалану тәжірибесімен бөлісіп, электрондық оқулықтардың оқу барысында қалай көмектесетінін баяндайды.
Айзеренің пікірінше, TopIQ платформасы оқу үдерісін қызықты, қолжетімді әрі тиімді етеді. Электрондық оқулықтардың көмегімен ол қажетті тақырыптарды жылдам тауып, өткен материалды қайталап, тапсырмаларды орындап, сабаққа мектепте де, үйде де дайындала алады. Платформаны пайдалану оқушылардың өздігінен білім алу дағдыларын, цифрлық сауаттылығын дамытып, жаңа білім алуға деген қызығушылығын арттырады.
«Leader TopIQ – 2026» республикалық байқауына қатысу Айзереге заманауи білім беру технологияларын пайдалану тәжірибесімен бөлісуге, шығармашылық қабілеттерін көрсетуге және өз мектебін республикалық деңгейде танытуға мүмкіндік берді.
«Новомир жалпы орта білім беретін мектебі» КММ ұжымы Ахметова Айзереге байқауда сәттілік, жарқын әсерлер, жаңа жетістіктер мен лайықты жеңістер тілейді! Білімге деген құштарлығы, ізденімпаздығы мен оқуға деген сүйіспеншілігі оны жаңа белестерге жетелеп, үлкен табыстарға жеткізе берсін!
TopIQ – үздіктер қатарында бол!
